[Schwobeseggl Wochenende] dia lahme Frösch

[Gast-bwrStw]

send jetzt au endlich em Forum akomma.

Nachdem i jetzt wieder am oigana Herd kocha ka, 2erhalb Wocha bei de Fischköpf wared wirklich lang, hann i mi glei an dr Herd gschtelld ond losglegt.

Aglehnd an dia "Bietigheimer Laubfrösch" will i eich mei Essa nedd vorenthalta.
Aus Ermangelung von Bratareschd hann i hald schnell a weng Hackfloisch abrata ond kalt werra lassa.

Die Zutaten:

Mangold, Hackfleisch, 2 Oier, an Zwiebl, an alda oigwoichta Wegga ond Petersil.
Agschmeckt mit S+P ond Muskat. A paar Chiliflogga send au no druff.
Begleiter ware Bamberger Hörnla, dia Mangoldschtiel ond kloina Tomada.
Aber guggad selber.

Zutaten Hauptakteure.

Beilaga.

Mangoldblädder abwälla,

ond sauber atropfa lassa.
Em Vordergrund des eigwoichde Weggle.

Dann dr Mangold belega

ond zammagrolld end Pfann geba.
Leicht aschmora ond an kloina schuss Gmiasbria dazua do.
En dr selbigen werda au die Stengl bissfeschd kocht.

Des Gmias mit de Tomada en Butter gschwengd mit de Hörnla zu de Frösch uff dr Tellr lega.

Zum Nachdisch hods no an Äpflkuacha von dr Ottbiene gebba.

Ohh, schpannd mir jetzt dr Ranza.

na denn, bis zom näxschda mol.
I benn wiedr dabei.

grüssle

 

[Gast-39yegX]

Haidablitz sieht des guat aus :Top:

 

[ottobiene]

Hallo Micha,

nene, sieht nicht nur gut aus, des war auch lecker.

 

[master-sir-buana]

Schöne Laubfrösch :happa:

 

[homer2.0]

Das hab ich noch nie gesehen. Sieht it schlecht aus *)
Danke für die Bereicherung.









*) "it schlecht" ist das Höchstmaß an Lob, das ein Schwabe aussprechen kann. Dies kann nur noch durch anerkennendes Schweigen übertroffen werden.

 

[Gast-bwrStw]

na, dann sag i amol vielen Dank für dia positive Rückmeldunga

Als Ergänzung no: Mr koa dia Frösch au mit Spinatblätter macha. (Aber der isch no nedd gross gnuag gwäsa.)

grüssle

 

[biene111]

Ha,

nomell oiner der Bietigheimer Laubfrösche kennt.

Grüssle von dort.

 

[Gast-693UG8]

Des hedd i au gern probiert - sieht guad aus ! Aber oi Frog: kommt doh koi Soss dranoh ?

 

[Falkenstadl]

Ja leck mi am Fiedla, luaget des guat aus.
Des dät i o mege.

 

[Gast-bwrStw]

... Aber oi Frog: kommt doh koi Soss dranoh ?

Dia Frösch werda ja en dr Pfanna bloss kurz Agschmort ond dann mit dr Gmiasbria aglöscht ond ca 20min gedünschded. (Nedd omdreha dia Denger wega dr Farb!) I hab dann bei mir von dr Bria uff dr Teller, des war mei Soss zom d Hörnla neidonga.
Aber dia ko mr au no a bissle adicka. Ganz wie jeders moag.

grüssle